House panel, ginhaylo nga imbestigaran ang nagluntad nga oil spill sa Mindoro

Ginahaylo sang Makabayan bloc sa House of Representatives ang Committees on Natural Resources nga gilayon nga imbestigaran ang epekto sang oil spill gikan sa naglugdang nga tanker.

Magafile ang Makabayan bloc sang House Resolution No. 869 agud nga magpatigayon sang imbestigasyon pinaagi sa legislation sa epekto sang oil spill gikan sa MT Princess Empress sa palibot kag sa epekto man sa palangabuhian sang mga mangingisda kag lokal nga produksyon sang isda.

Nahibaluan nga naglugdang ang MT Princess Empress bangud sa mabalod nga kadagatan sa diin may karga ini sang 800,000 ka litro sang industrial fuel oil sa Oriental Mindoro sang Pebrero 28.

Nahalitan ang ginatos ka mga residente kag linibo ka mga mangingisda ang nadaluaan sang pangabuhian.