ICPO magabutang sang mga pads sa tagsa ka-simbahan sa pagsugod sang simbang gabi sa syudad sang Iloilo

Magapahamtang sang PADS ukon Police Assistance Desk ang Iloilo City Police Office kadugan sang pagsugod sang Simbang Gabi sa syudad sang Iloilo.

Ini ang ginpahayag ni Iloilo City Police Office Director Colonel Leo Batiles.

Suno kay Batiles, tatlo ka Police personnel ang iga-deploy sa tagsa ka PADS sa diin tinutuyo sini nga makapalapit ang publiko agud maghingyo sang bulig.

Dugang pa niya, igapahamtang ang mga police patrol sa guwa sang simbahan agud nga mag-patrolya para malikawan ang rambol sang mga kabataan ukon ano man nga kinagamo.

Ginapahayag man ni Batiles nga magapatawag man siya sang meeting sa mga force multiplyers subong nga semana kun luyag nila nga magbulig sa kapulisan.