ICPO, naga-panawagan sa mga ginikanan nga i-secure ang ila kabataan sa tion sang kagab-ihon

ILOILO CITY – May pila ka mga kabataan nga nagapangita sang paagi agud makagwa sa ila puluy-an bisan tungang gab-i na.

Ini ang pahayag ni Iloilo City Police Director, Police Col. Leo Batiles kadungan sa paglunsyar sang RO 2022-279 may kaangtanan sa curfew for minors, las-10:00 sa gab-i tubtob las-4:00 sa kaagahon.

Suno kay Batiles, bantayan sang maayo sang mga ginikanan ang ila kabataan ilabi na kun menor-de-edad. Kag dapat siguradohon nga yara na sa ila puluy-an antes pa man ang kasisidmon agud malikawan ang disgrasya.

Nag-pahanumdum naman si Batiles sa tanan nga law enforcers ilabi na sa kapulisan nga dapat mangin visible sa dalan agud mapabilin ang kalinong sa syudad sang Iloilo.