Monday, December 5, 2022

ICPO, preparado na ang deployement sang kapulisan sa pagsaulog sang tigkalalag- PMaj. Sangrines

- Advertisement -

‘All-set na’ ang security preparations sang Iloilo City Police Office para sa palaabuton nga tigkalalag sa Nobyembre 1 kag 2.

Sa interview sang Radyo Bandera Iloilo sa programa nga Birada Bandera Balita kay PMaj. Shella Mae Sangrines, spokesperson sang Iloilo City Police Office, nakig-angot na ang ICPO sa Public Safety Transportation and Management Office (PSTMO), force multipliers, advocacy groups, barangay officials, volunteer groups kag sa talatapan sang sementeryo para sa preparasyon sang seguridad sang publiko sa pagsaulog sang tigkalalag sa pagpadulong nila sa sementeryo.

Suno kay Sangrines, magapatigayon sila sang joint security meeting para tsekyaron ang deployment sang ila mga personnel.

- Advertisement -

Ginpahayag ni PMaj. Sangrines nga major concerns sang talatapan amo ang pagdagsa sang tawo sa mga sementeryo, sitwasyon sang trapiko sa diin magapatigayon sang re-routing sa iban nga areas kag mapabilin ang katawhay kag kalinong sa tagsa ka lugar.

Suno sa Spokesperson, mangin drop-off lamang sang pasahero ang entrance kag magpangita sang designated nga parking lot, kun wala, mahimo nga balikan na lang nila ang ila mga kaupod.

Magapahamtang man ang talatapan sang Personnel screening area sa diin sa ginakontrol ang pagsulod sang tawo kag masiguro nga indi makalusot ang mga prohibited items.

- Advertisement -

Ginapahanumdom man ni Sangrines nga kinahanglan sundon ang No Vax, No Entry nga policy.

Dugang pa niya, magasugod sa buwas nga adlaw, Oktubre 27 ang pagdeploy sang ila personnel apang skeletal pa lang ini, depende sa kadamuon sang tawo sa diin ini ang mangin dry run nila.

Magasugod naman ang ila full deployment sa Oktubre 31 tubtob Nobyembre 2 kag sa masunod nga mga inadlaw, maga-amat amat naman sila pull out sang personnel.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles