Wala sang may narekord nga dalagko ukon major nga crime incidents ang Iloilo City Police Office sa paghiwat sang Dinagyang 2023.
Ini ang ginpahayag ni PMaj. Shella Mae Sangrines, Spokesperson sang ICPO sa interview sang Radyo Bandera Iloilo.
Suno kay Sangrines, duha ka oras antes sang kahiwatan, nakadeploy na ang katapo sang kapulisan kag iban pa nga law enforcers agud nga ma-clear ang area kag pagawaon ang indi kabahin sang working commitees.
Ginpahayag man sini nga gina-instriktuhan niya gid ang mga law enforcers nga mag-aligmat sa palibot agud nga magtahap nga maghimo sang indi maayo nga mga buluhaton ang mga snatchers kag nagapamintaha.
Dugang pa niya, may temporary shutdown sa signal sa syudad bilang kabahin sang security measures.
Ginapangabay man sang natundan sa publiko nga magkooperar sa kalinong kag katawhay sa syudad agud nga mangin memorable ang Dinagyang 2023.
