Wednesday, August 17, 2022

Ika-duha nga suspek nga upod ni Briant Naya sa pagpangransak sa Blue Atlantis Gasoline station sa banwa sang Oton, ginhingadlan na!

- Advertisement -

ILOILO CITY— Ginhingadlan na sang katapo sang Oton Municipal Police Station ang ika-duha nga suspek nga upod ni Briant Naya nga nagpangawat sa Blue Atlantis Gasoline Station sang tinalikdan nga Mayo 19, 2022.

Ini amo si Robert John Sicaluya, 27-anyos kag residente sang Barangay West Habog-Habog, Molo.

Sa interview sang Radyo Bandera Iloilo kay Police Major Ken Albert Lepsia, hepe sang Oton Municipal Police Station, ginpahayag sini nga nakilal-an ang ika-duha nga suspek pinaagi sa natipon nga CCTV footage.

- Advertisement -

Suno kay Lepsia, padayon nila nga ginapangita ang ika-duha kag ika-tatlo nga suspek nga naka-upod ni Naya sa nagpangransak sa Blue Atlantis Gasoline Station.

Dugang pa niya, may yara na sila sang lead sa ika-tatlo nga suspek apang wala lang nila ini anay ginhingadlan para indi makapalagyo.

Padayon pa ang pag-tsekyar sang mga kapulisan kag pag -review sang CCTV footage, agud matahi ang mga detalye sang hitabo.

- Advertisement -

Magluwas diri gin akigbahin man ni Lepsia nga lain man nga grupo sang mga kalalakinhan nga nagpangransak sa Petron Gasoline Station nga natabo sang tinalikdan nga Marso 29.

Madumduman nga si Naya man ang anay gindakup man bangud sa pagpangawat sa Jetti Gasoline Station, kun sa siin kaupod sini kanday Christopher Alonsuga kag Mark Galvez nga nagpangransak kag nakakuha sang 1.9 million pesos.

Ang tatlo sa karon ang yara karun nakahunong sa Jaro Police Station.

- Advertisement -

Santu sa police reports target sang mga kawatan atakihon ang mga gasolinahan bangud dako ang benta sa mga Gasoline Stations epekto man sang asud-asud nga oil price hike.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles