Sundon lang sang Iloilo City Governemt kung ano ang mangin mandu sang National government may kaangtanan sa COVID-19 protocols matapos nga nagpaguwa sang statement ang Department of Science and Technology (DOST) Vaccine Expert Panel (VEP) nga mahimu na i-lift ang mandatory wearing of facemasks matapos ang tatlo ka bulan sa tion nga ini na magsaka ang COVID-19 cases.
Ini ang ginpahayag ni Mr. Jeck Conlu COVID-19 spokesperson sang syudad sa interview sang Radyo Bandera Iloilo.
Sunu sa natungdan, kun ano ang mangin policy sang national base sa assessment sang eksperto ma-adjust lang diri ang syudad. Wala man sunu sa iya, pabor man siya sa mga ginapaguwa nga announcement sang national agencies.
Dugang pa niya nagahulat lang ang Iloilo City Government sa kun ano man ang mangin mandu gikan sa Department of Health (DOH) ukon National Inter-Agency Task Force (IATF).
