Iloilo City Police Office hugton gid ang pagpatuman sang executive order nga asta lang 12MN ang pagserbe sang ilimnon sa Smallville

ILOILO CITY — Pagahugton sang Iloilo City Police Office (ICPO) ang pagpatuman sang Executive Order number 49 series of 2022 nga gin-issue ni Iloilo City Mayor Jerry Treñas nahanungod sa pagserbe kag pagbaligya sang makahulubog nga ilimnon tubtob alas-12:00 sang tungang gab-i sa Smallville Complex.

Ini ang pahayag ni Iloilo City Police Office Director Colonel Leo Batiles sa interview sang Radyo Bandera Iloilo.

Suno kay Batiles, ila gid isa-isahon kag tsekyaron ang mga bar para mapasiguro nga wala na sang may mabaligya paglab-ot sang amu nga inoras.

Dugang sini nga compliant man ang bar owners kag managers tungod sang nagligad nga ginpatuman ang asta alas-2:00 sang kaagahon wala naman sila nagalapas pa.