Thursday, December 8, 2022

Iloilo Police Provincial Office, naghimo sang mga tikang ukon lihok agud nga matapna ang sunod-sunod nga krimen nga natabo sa probinsya

- Advertisement -

Nagahimo na sa karun sang mga tikang ang Iloilo Police Provincial Office kasunod sa natabo nga mga krimen kag pagpangawat sa tatlo ka mga kabanwahan sa probinsya sang Iloilo.

Sa exclusive interview sang Radyo Bandera sa programa nga 11MBPs ni Kabanderang Sonny Punay kay PSMS Francisco Lindero Jr., Spokesperson sang Iloilo Police Provincial Office, ginpahayag sini nga ginmandu ni IPPO Director Police Col. Adrian Acollador ang pagpatuman sang mabaskog nga police visibility kag presensya sang kapulisan sa mga kabanwahanan, kampanya sa loose firearms kag hugot nga intelligence reports.

Suno kay Lindero, indi co-related ang mga nakalatabo nga insidente sa banwa sang Carles, Estancia kag Lambunao.

- Advertisement -

Sa karun, under investigation pa ang pagpangluthang kag pagpang-hold up sa banwa sang Lambunao sa diin napatay ang drayber sang delivery van sang sigarilyo kag pilason naman ang duha ka pahinante.

Samtang, padayon naman ang pag-counter check sa mga impormasyon kag ipa-agi pa sa legal nga proseso ang pagkuha sang dash cam sa salakyan nga posible mangin ebidensya sa pagpangluthang sa tatlo ka lamharon nga negosyante sa banwa sang Estancia.

Nagpasalig man ang IPPO sa pamilya sang nabiktima nga himuon sang mga kapulisan ang tanan nga tikang agud nga mahatagan sang hustisya ang mga nabiktima, solbaron ang insidente kag mapadayon ang maayo nga accomplishment sang nasambit nga ahensya.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles