Monday, August 8, 2022

Iloilo Provincial Government, ginpasiguro nga zero visibility ang campaign waste materials sa probinsya matapos ang 2022 elections

- Advertisement -

ILOILO CITY— Ginpasiguro sang Iloilo Provincial Government nga zero visibility ang campaign materials sa bug-os nga probinsya matapos ang 2022 elections sang tinalikdan nga Mayo 9.

Pagakuhaon ang campaign materials, posters, placards  kag iban pa nga campaign wastes.

Sa interview sang Radyo Bandera Iloilo kay Atty. Dennis Ventilacion, provincial administrator, ginpasigurado sini nga mahawanan ang mga dalan kag mamintena ang katinlo sang mga kabaranggayan antes kag matapos ang eleksyon.

- Advertisement -

Nahibaluan nga sa datus sang Iloilo Provincial Government Environment and Natural Resources Office humalin Mayo 10 tubtob 13 nakakuha sang total nga 2,900 kilograms kag 28 ka sako sang political campaign wastes ang nakolekta sa lima ka distrito sa probinsya sang Iloilo.

28 ka sako sang tarpaulines kag plastic posters ang nakolekta gikan sa 1st district.

967 kilograms sang tarpaulins, plastic posters lakip na ang bamboo poles, wires kag binders ang nakuha sa 2nd disitrict.

- Advertisement -

Sa 3rd district nakatipon sang 1,220 kilograms sang tarpaulins kag plastic.

Samtang sa 4th nakakolekta sang 345 kilograms sang campaign materials.

284 naman ang narekord sa 5th district.

- Advertisement -

Ang ini nga post-election clean-up drive ang ginpatuman sang gobernador sa idalum sang  Executive Order No. 265, “Limpyo Eleksyon” epektibo humalin Mayo 10 tubtob 20.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles