Tuesday, February 7, 2023

Iloy sang pito ka tuig nga bata nga ginhimuslan-patay sa Estancia, indi mapatawad ang mga suspetsado sa krimen nga ila ginbuhat

- Advertisement -

Nagatululo ang luha kag nagalain ang buot sang iloy ni ‘alyas ann-ann’ sang iya ginsaysay kun ano ini nga klase sang anak sang siya ang buhi pa.

Sa interview sang Radyo Bandera Iloilo sa iloy, wala sang kapatawaran ang ginhimo nga krimen sang mga suspek kag tuman sa gihapon ang kasakit nga ila nabatyagan.

Ginpahayag sang iloy nga ginapadamgo sila nga ginikanan sang ila bata kun sa diin nagahilibion ini nga nagapangayo sang bulig.

- Advertisement -

Suno pa diri, sang buhi pa ang ila bata, mabuot, wala pili sa pagkaon kag mapisan si ann-ann kag sa masami sa palibot man lang ini nagahampang.

Tuman ang kakibot sang natungdan nga tatlo gid ka suspek ang naghimo sang krimen kag wala man nakapalapit ang ila pamilya agud nga maghingyo sang kapatawaran.

Nagapasalamat naman ang pamilya sa Estancia Municipal Police Station sa ila imbestigasyon kag sa pagdakop sa suspek.

- Advertisement -

Nahibaluan nga nasapwan nga patay si alyas ann-ann sa cell site sang Brgy. Gogo, Estancia sang Disyembre 19, 2022 kag kumpirmado nga ginhimuslan ini sandig sa resulta sang autopsy report.

Samtang, nadakpan naman ang isa sa tatlo ka mag-ulutod nga suspek sang Enero 2 nga nakahunong karon sa Estancia MPS kag nagapangatubang sang kaso nga rape with homicide.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles