ILOILO CITY — Ginpahayag sang Deparment of Education (DepEd) nga indi makabig food poisoning ang natabo sa Pili National High School sa banwa sang Ajuy bangud sandig sa imbestigasyon amoeba ang naggwa nga resulta.
Nahibaluan man nga may yara sang presensya sang e-coli kag coliform bacteria ang gingamit na ice water sa pagtimpla sang buko pandan juice nga gin-inom sang mga biktima.
Santu sa pahayag ni Ma. Luz M. Delos Reyes, Schools Division of Iloilo Superintendent, 46 tanan ang nangin biktima kun sa diin 44 ang gin-confine sa ospital.
Iya man ginklaro nga indi opisyal nga acquaintance party ang kahiwatan sang Nobyembre 4 kundi isa lang ka pagtililipon sa pagsugod sang full implementation sang face-to-face classes.
Sa pihak nga bahin, suno naman kay Dr. Ramir Uytico, Regional Director sang DepEd 6 nga wala nalakip sa School Calendar of Activities ang acquaintance party.
