ILOILO CITY — Intensified Drug Operations sa tuig 2022 ang ginpasalig ni Iloilo Police Provincial Office Director Police Colonel Adrian Acollador kadungan sa ginpatigayon nga drug test sang Provincial Investigation and Detective Management Unit bilang kabahin sang Enhanced Revitalized PNP Internal Cleansing Program.
Suno kay Acollador, gin-paidalum sa drug test ang 391 ka katapo sang drug enforcement teams sang IPPO sang Hulyo 30.
Nangin madinalag-on ang drug testing sa mga katapo sang kapulisan nga ginpatigayon sang Regional Forensic Unit 6 sa idalum ni Police Captain Carmen Gabrille Alianza.
Dugang pa sang ni Acollador nga wala sang lugar sa PNP ang kapulisan nga naga-engage sa iligal nga droga, kag ang maga-positibo sa test ang iga-rekomendar para sa dismissal sa serbisyo.
Nahibaluan nga may yara sang isa lang ka katapo sang kapulisan ang napositibo sa drug test kag 390 naman ang gindeklara nga drug cleared.
