Monday, July 4, 2022

IPPO Director Pcol. Acollador nagapati nga posible may mga tawo pa gid nga involved sa pagpatay kay Claire Diergos pananglitan nga magtu-ad ang mga akusado

- Advertisement -

ILOILO CITY— Nagapati si Iloilo Police Provincial Office (IPPO) Director P/Col. Adrian Acollador nga posible may mga tawo pa nga involved sa pagpatay kay Claire Diergos pananglitan nga magtu-ad ang mga akusado.

Sa exclusive interview ni Kabanderang Rey Umalay kay Acollador sa programa Foro de los Pueblos, ginpahayag sini nga ginkalipay nila ang pag-surrender sang duha ka mga akusado nga sanday Rudelyn Sumbong kag Raffy Sorioso sa pagpatay kay Diergos.

Suno kay Acollador, isa na lang nga gina-alegar suspek ang padayon nga ginapangita sang kapulisan agud nga mag-usad ang kaso.

- Advertisement -

Nahibaluan nga sa 10 ka mga ginapatihan suspek nga gin-release sang Special Investigation Team, tatlo lang ang gin-rekomendar sang Iloilo Provincial Prosecutor’s Office nga kasuhan sang murder.

Sa karon, ginahulat nila ang pahayag sang mga akusado bangud posible may itu-ad pa ang mga ini sa pagpatay kay Diergos.

Dugang pa sang IPPO director nga ang Pavia Municipal Police Station na ang naga-uyat sang kaso sa bulig man sang Iloilo Police Provincial Office.

- Advertisement -

Nagpanugyan man ini kay Gardo Ibrahim nga isa sa mga gina-alegar suspek nga magsungka na kag atubangon ang panumbungon batok sa iya.

Ginpasiguro ni Acollador nga padayon sila nga ma-monitor angut sa kaso kag buligan ang pamilya nga makuha ang hustisya sa pagpatay kay Diergos.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
823SubscribersSubscribe
- Advertisement -

Latest Articles