ILOILO CITY — Igatugyan sang Iloilo Police Provincial Office sa Pavia Municipal Police Station ang kaso ni Claire Diergos.
Sa interview sang Radyo Bandera Iloilo kay Police Col. Adrian Acollador, director sang IPPO, iya ginpahayag nga ihatag na nila sa Pavia MPS ang kaso ni Diergos bangud de-activated na ang Special Investigation Team sang IPPO.
Suno kay Acollador nga nangin madasig ang imbestigasyon sa kaso ni Diergos sa pagsungka sang duha sa tatlo ka mga ginhingadlan sang Provincial Prosecutor’s Office nga sanday Raffy Sorioso kag Rudelyn Sumbong.
Dugang pa ni Acollador nga amat-amat nga nagakahatagan sang kasanagan ang nangin resulta sang imbestigasyon sang kapulisan kag SIT.
Sa karon, nagapadayon naman ang monitoring nila kay Gardo Ibrahim, nga isa pa sa ginrekomendar sang Prosecutor’s Office nga kasuhan sang murder.
