Monday, July 4, 2022

Isa ka balay , ginbunggo-an sang trucking nga may karga sang tubo sa syudad sang Passi

- Advertisement -

PASSI CITY, ILOILO — Maswerte nga wala sang may napilasan nga tawo matapos nakabunggo ang isa ka trucking nga may karga sang tubo sa isa ka balay sa syudad sang Passi sini gid lamang nga gab-i.

Sa interview Radyo Bandera Iloilo sa hepe sang Passi City Police Station nga si Police Lt. Col. Dennis Pamonag, ginpahayag sini nga las-7:10 subong nga gab-i sang natabo ang insidente sa Barangay Sablogon sa amo nga syudad.

Ginkilala ang driver sang truck nga si Roel Basan, 38 anyos kag residente sang President Roxas City probinsya sang Capiz.

- Advertisement -

Samtang ang tag-iya naman sang puluy-an nga nabunggo-an ang ginkilala naman kay Virginia Panes.

Base sa imbestigasyon sang kapulisan, gikan sa syudad sang Roxas si Basan sa diin may kadasigon ang pag-padalagan sini sang trucking suno kay Pamonag.

Ginpahayag man sang hepe nga medyo dulhogon kag naga-pakurbada ang dalan sa diin may nasumalang si Basan kag gulpyada lang sya nga nag-pabinit ukon nagliko sa higad dalan apang nasaroso gid sini ang balay.

- Advertisement -

Bangud nga sementado man ang puluy-an, gamay lamang ang nawasak sa kilid nga porsyon sang balay.

- Advertisement -
Karen Badilla
Karen Badilla
Karen might be new in the news landscape of Iloilo but she's certainly a pro. Before joining forces with Radyo Bandero Iloilo news team, she served as one of the reporters/anchorwoman/news writers of a radio station in Bacolod City. With more than 3 years of broadcast experience under her sleeve, Karen is a total package ready to serve and deliver nothing but reliable information to the people of Iloilo.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
823SubscribersSubscribe
- Advertisement -

Latest Articles