Monday, February 6, 2023

Isa ka gina-alegar miyembro sang NPA, napatay sa engkwentro sa Igbaras

- Advertisement -

Napatay ang isa ka persona nga gina-alegar miyembro sang CPP-NPA Terrorists matapos nga ma-engkwentro sang 61st Infantry (Hunter) Battalion sang 3ID sang Philippine Army sa Sitio Gibasya, Brgy. Tigbanaba, Igbaras, sang Sabado, Nobyembre 26.

Sa impormasyon nga nakuha sang Radyo Bandera Iloilo, nakabaton ang tropa sang gobyerno sang report gikan sa mga residente nga nagaplano ang mga armado nga grupo nga magpadulong sa ila Barangay agud nga magpangilkil kag magpamahog.

Gilayon naman nga gin-verify sang mga katapo sang gobyerno ini nga report nga nagresulta sang engkwentro sa kapin 10 ka miyembro sang gina-alegar nga miyembro sang CPP-NPA Terrorists sa idalum sang Suyak (SDG) Platoon, Southern Front-Kometing Rehiyon – Panay sa panguna ni Jun Capio, alyas RonRon.

- Advertisement -

Narekober sa area ang isa ka lawas sang patay nga persona, duha ka M16A1 rifle, isa ka AK47 rifle, isa ka M203 Grenade Launcher, isa ka rifle grenade, IED paraphernalia para sa paggamit sa engkwentro, assorted food packs, assorted medical supplies kag pila ka mga dokumento.

Nakilala ang napatay nga si Domingo Costas, Alyas Evan/Ivan (PSR-L), Squad Member, Team 1, Squad 1, SDG Suyak, Southern Front, KR-Panay.

Wala naman sang may napatay ukon nasamaran sa tropa sang militar. |via 61st Infantry Hunter Battalion

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles