Tuesday, January 31, 2023

Isa ka kamalig sa Sooc, Arevalo, gintupok sang kalayo; mga kabataan nga yara sa sulod, nakaluwas sa sunog

- Advertisement -

Gintupok sang kalayo ang isa ka kamalig nga nagserbe nga bodega sang pamilya Hunggo, las 10:12 sini nga aga, Enero 6 sa Project 2 Guatelara Compound, Sooc, Arevalo.

Sa impormasyon nga nakuha sang Radyo Bandera sa anom ka tuig nga bata, nagahampang sila sang ila cellphone sa sulod sang kamalig sang hinali lang nga naglupok ang lighter bangud nga gintusik ini sang manok.

Nasunog gilayon ang kamalig bangud himo lamang ini sa light materials.

- Advertisement -

Suno pa sa bata, nakaguwa sila gilayon kag nangayo sang bulig sa mga kaiping nila nga panimalay.

Nahibaluan nga wala ang ila mga ginikanan sang natabo ang insidente bangud nagatrabaho ang mga ini.

Napalong naman gilayon ang kalayo antis mag-abot ang katapo sang Bureau of Fire Protection bangud sa pagbulig sang mga residente kag napaguwa man ang mga kagamitan sa sulod kaangay sang refrigerator kag washing machine bangud nagaserbe ini nga bodega.

- Advertisement -

Samtang, wala naman naglapta pa ang kalayo kag wala naman sang may nahalitan.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles