Isa ka lalaki nga nangawat sa isa ka store sa syudad sang Passi, arestado

ILOILO – Yara na karun nakahunong sa kustodiya sang Passi City Police Station ang isa ka 28 anyos nga lalaki matapos nadakpan nga nangawat sa isa ka store sa Barangay Sablogon sa syudad sang Passi.

Ginkilala ang suspek nga si Ronilo Baylo, residente naman sang Barangay Cau-ayan sa banwa sang Pototan.

Sa imbestigasyon sang Passi City Police Station, dakop sa akto nga nag-pangawat sa store ang suspek kaina sang kaagahon.

Nakuha naman sa paghinakop sang suspek ang isa ka backpack sa diin ini ang iya ginsudlan sang duha ka pakete sang sigarilyo kag tablet nga iya ginkawat.

Samtang, kaso naman nga robbery ang natalana nga igapasaka batok sa suspek.