Wednesday, August 17, 2022

Isa ka menor de edad nga babaye, naghikog sa Zone-1B, San Juan, Molo

- Advertisement -

“INDI KO NA MAKAYA” ULIHI NGA MGA TINAGA NGA GINBILIN SANG 16 ANYOS NGA DALAGITA, ANTES PA MAN MAGKOMITER SA PAG-UTAS SANG IYA NGA KABUHI

ILOILO CITY —- “Indi ko na makaya” ulihi nga mga tinaga nga ginbilin sang 16 anyos nga dalagita nga tawgon ta lang kay “Nene” sang Zone 1B, Brgy. San Juan, Molo.

Nasapwan ang dalagita las 7 sang gab-i, sa iya hulot nga wala na sang kabuhi.

- Advertisement -

Una nga nakakita sa bangkay sang dalagita ang iya 8 anyos nga hinablos, gilayon nga ginpabalo ang iloy sini sa magulang sang biktima.

Dali-dali nga nagtawag sang bulig sa pila ka mga kasilingin para nga mapapanaog ang biktma kag dal-on sa ospital, apang gindeklara ini nga dead-on-arrival sang Iloilo Doctor’s Hospital.

Sa interview sang Radyo Bandera Iloilo sa iloy sang biktima, antes pa man matabo ang insidente, las 3:00 sang hapon nagpauli pa ini halin sa ginaobrahan sa Central Market kag nagdugsing pa ang mag-iloy antes magbalik sa obra.

- Advertisement -

Sang ara na ini sa trabaho, nabalitaan niya nalang ang natabo sa iya nga bata nga nasapwan na lang nga wala na sang kabuhi.

Sa bahin naman sang mga barkada ni Alyas Nene, las 4 sang hapon naga-tipon-tipon pa ini sila sa higad sang baybay kag malipayon ang nawong, apang may mga tinaga nga ginbilin si Alyas Nene sa iya mga barkada nga nagasiling “Indi ko na makaya” kag ini ang isa sa mga ginatan-aw motibo sa pag-utas sang iya sini nga kabuhi.

Dugang pa nga pagpahayag sang utod ni Inday nga wala man sila problema sang iya nobyo kag indi man gani makapati nga mahimo ini sang iya nga nobya.

- Advertisement -

Pahayag pa sang iya magulang, naghingyo ini nga baklan sang cellphone kag ila man ginbaklan tungod mahilig ini mag tiktok.

Magluwas pa diri wala naman sang iban pa nga motibo kundi sa iya ulihi nga mga tinaga “Indi ko na makaya”, nga ginatan-aw nga rason kag nagtulod sa iya agud utason ang iya nga kaugalingon.

Nakita sa lugar kon sa diin natabo ang insidente ang mga gamit nga lubid, electric, fan kag may nakita man nga duha ka kutsilyo sa uluhan sang iya ginahigdaan.

May pila ka mga pumuluyo nga nagasiling sang tinalikdan nga tuig, 2021 gintuyo ya man nga maghikog.

Nagabalaka gid ang mga kabarkada ni Alyas Nene sa lugar bangud indi man sila kapati nga mahimo niya ini.

Sa karon padayon pa nga gina-imbestigaran sang pulis ang nasambit nga hitabo.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles