Isa ka wanted person nga may kaso nga Frustrated Homicide, arestado sa banwa sang Oton

ILOILO – Natigayon nga maaresto sang Oton Municipal Police Station ang isa ka lalaki nga wanted person sa nasambit nga banwa.

Ang suspek ang ginkilala nga si Ronnel Simpao, isa ka foreman kag residente sang Sitio Tuburan, Barangay San Antonio, San Miguel, Iloilo.

Ang pag-aresto sang mga katapo sang Oton MPS sa pag-panguna sang hepe nga si Police Major Kenn Albert Lepsia ang paagi sa mag-isyu sang warrant of arrest nga gin-pirmahan ni Hon. Danilo F. Galvez, Judge sang 6^th Judicial Region, Iloilo City.

Si Simpao ang may kaso nga Frustrated Homicide sa diin gin-rekomendahan ini sang korte sang piyansa nga ₱24,000 para sa iya temporaryo nga kahilwayan.

Yara naman karun nakahunong sa kustodiya sang Oton MPS ang nasambit nga suspek.