ILOILO CITY- Patay ang isa ka lalaki kag pilason ang isa pa matapos ginpangluthang sa sulod sang balay sa barangay San Antonio, Lemery Iloilo.
Ginkilala ang napatay nga si Joefry Acopio, 35 anyos samtang ang pilason ginkilala nga si Nolito Lim.
Ang suspek ginkilala naman nga si Ricky Peñaflorida.
Suno kay Police Luitenant Jose Winston Biadog, Hepe sang Lemery Municipal Police Station nga alas 7:10 sang aga sang natabo sang insidente sa nasambit nga lugar samtang naga hulat ang mga biktima sang kaupod nga manugkarga-tapas sang tubo.
Dugang ni Biadog nga hinali lang nag-abot sakay sa motorsiklo si Peñaflotida kag nagsulod sa balay ni Nolito sang nahibalu-an nga ara si Acopio kag nagpaniro.
Una diri, nga naigo si Lim kag naggwa nga naga alsa ang kamot kag ginsulod ni Peñaflorida si Acopio nga nagapanago sa kusina kag ginluthang.
Naigo sa nawala nga guya si Acopio nga gintunaan sang iya kamatayun samtang ginbulong naman sa ospital si Lim.
Daan nga hiligut-anon ang rason kun nga-a ginpatay ni Penaflorida si Acopio samtang nasalabat lang si Lim.
Nakarekober sang basiyo sang 9mm ang mga Otoridad sa ginluntaran sang insidente samtang At-Large naman si Peñaflorida.
