Jordan PNP wala sang may narekord nga kinagamo sa una nga adlaw sang Manggahan Festival

ILOILO CITY— Wala sang may na rekord nga mga kinagamo ang Jordan Municipal Police Station sa pagbukas sang Manggahan Festival kahapon, Mayo 14.

Sa interview sang Radyo Bandera Iloilo kay Police Major John Van Luspo, hepe sang Jordan PNP, iya ginpahayag nga madamo sang tawo kagab-i sa Capitol ground.

Dugang pa sini nga nangin matawhay ang una nga adlaw sang amo nga festival kag nagalaom ini nga mangin tayuyon na ang katawhay kag kalinong tubtob matapos ang Manggahan.

 Dugang pa ni Luspo nga fully deployed ang mga kapulisan sa Jordan kadungan man sa pag-obserbar sang walo ko adlaw nga selebrasyon .

 Nahibaluan nga tatlo man ka tuig nga wala naka selebrar ang Guimaras sang Manggahan Festival bangud sa COVID-19.