Kahalitan nga dala ni bagyong Agaton sa agrikultura sa Western Visayas nagdangat sa masobra P135- milyon

ILOILO CITY— Nagdangat na sa P135,226, 459 ang balor sang halit nga ginbilin ni bagyo Agaton sa Western Visayas.

Ini ang ginkumpirmar ni Remelyn Recoter, Regional Director sang Department of Agriculture (DA)-VI sa interview sang Radyo Bandera Iloilo.

Suno kay Recoter, yara sa P48-Million ang ginbilin nga halit sa Iloilo, Capiz nga may 81-Million, Antique nga may 4.1-Million, kag Guimaras nga nakarekord sang 182,000.

Dugang pa sini, yara sa 4,164 ka hektaryas ang nabahaan sa diin 667 ka hektarya ang totally damaged kag kapin 8,457 metric tons nga palay ang nadula bangud sa pagbaha dala sang bagyo.

Sa Karun, padayon monitoring sang ahensya sa mga affected areas agud mahatagan sang nagakaigo nga bulig.