Monday, August 15, 2022

Kalipay kag pagpasalamat, ginpabutyag sang pamilya Dela Cruz bangud sa nabaton nga paskwa halin sa Radyo Bandera Iloilo, Serbisyong Bandera, Wow May Puso!

- Advertisement -

Nagalumaw-lumaw ang mga mata ni Tatay Remilo sang ginsorpresa nga bisitahon sang Radyo Bandera News Team ang ila puluy-an sa Sitio San Juan, Brgy. Sto. Domingo Arevalo, Iloilo City.

11 anyos na nga mag-updanay sanday Remilo Dela Cruz, 47 anyos, on call driver kag Marissa Cabugwas, 43 anyos, on call labandera sa sulod sang tatlo ka tuig.

May tatlo ini sila ka mga kabataan nga naga edad 11, 10 kag 9 anyos.

- Advertisement -

Nahibaluan nga bangud sa mabug-at niya nga trabaho, nagasuprer si Remilo sang palanakit sa iya likod kag hawak.

Tuman gid ang kalipay kag pagpasalamat sang ila pamilya bangud sa una nga kahigayunan nga makabaton sila sang isa ka sako nga bugas, grocery items, kag hygiene kits halin sa Radyo Bandera Iloilo, Serbisyong Bandera, Wow May Puso nga padayon nga nagabulig sa mga nagakinahanglan kag nagahatag sang paglaum sa mga Ilonggo.

Nahibaluan nga ang ginhatag nga bulig ang halin sa ginkolekta nga fund sa ginpatigayon nga Sikad Mo: Kabuhi Ko (Fun Ride and Bike Race) sang tinalikdan nga Hulyo 3 kadungan sang 1st year Anniversary sang Radyo Bandera Iloilo kag sang RYU-Foundation ni Dr. Ramel Uy.

- Advertisement -

Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig gani kabandera bantayan kay basi ikaw na ang masunod nga mahatagan.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles