ILOILO CITY— Nagdangat sa 3,798,883 na ka mga indibidwal na ang nakabenepisyo sang phase 3 sang Libre Sakay nga programa sang Department of Transportation (DOTr).
Ini suno sa Land Transportation Franchising Regulatory and Board (LFTRB)-VI.
Sa interview sa Radyo Bandera Iloilo kay Atty June Altura, spokesperson sang LTFRBVI, ginpahayag sini nga nagapadayon ang nasambit nga programa agud mabuligan ang mga driver kag operator nga mabuhinan ang ila galastuhan ilabi na ang tuman ka mahal sa gatong sa merkado nga may Domino effect sa mga balaklon.
Suno kay Altura, gina-proseso na sang ahensya ang dokyumento agud mabayaran sila sang amo nga programa.
Nagapangabay ini sa pumuluyo nga mag-kooperar kag kun may reklamo angut sa amo nga programa magpadulong lang sa ila nga talatapan.
