ILOILO CITY — Natigayon nga makumpiskar sang Carles Municipal Police Station ang kapin isa sa kilo sang shabu sa buybust operation kagab-i, Enero 19.
Ginkilala ang suspek kay Mathews James Bacus, 20-anyos sang Botongon, Estancia.
Suno kay Police Master Sergeant Manuel Vincent Hermogenes sang Carles MPS, mga las-9:10 sang kagab-i sang nadakpan si Bacus sa Barosbos, Carles
600,000 pesos ang transaksyon sang kapulisan kag nakakuha pa gid sang 19 ka sachets sang shabu nga nagabalor sang P6.8 million.
Dugang ni Hermogenes nga ang nasambit nga shabu ang natalana kuntani sa Dinagyang.
Pahayag sini nga si Bacus gid mismo ang nagadala sang shabu kag nagadul-ong.
May posibilidad suno kay Hermogenes nga sa Carles ginpaagi ang shabu halin sa iban nga lugar tungod madamu ang ila coastal areas.
