Wednesday, August 17, 2022

Kapin P1.2 milyon nga balor sang gina-alegar iligal nga droga, narecover sa ginpatigayun nga drug buy bust operation sa Distrito sang Molo

- Advertisement -

Na-aresto sa gintingob pwersa sang Regional Police Drug Enforcement Unit 6 (RPDEU) kag Iloilo City Police Station 4 (Molo PNP) ang duha ka mga persona sa ginpatigayun nga buy-bust operation sa Compania St., Brgy. San Antonio, Molo, Iloilo City alas 2:15 kaina sang kaagahon, sa diin narecover ang ginabanta P1,190, 000 nga balor sang gina-alegar iligal nga droga.

Ginkilala ang mga suspetsado nga sanday Jejomar Pineda, 27-anyos kag residente sang Brgy. Sto. Rosario Street, Iloilo City kag Michael Capero, 34 anyos kag residente sang Brgy. Caingin, La Paz, Iloilo City.

Sila ang ginakabig bilang high value individuals.

- Advertisement -

Nahibaluan nga si Pineda ang anay grab driver agud nga matabunan ang ila iligal nga aktibidad kun sa diin nangin partner niya si Capero.

Nabaklan sila sang iligal nga druga gamit ang P25,000 nga buy-bust money.

Ginabanta nga nagabug-at sang 175 grams ang narekober nga shabu sa ila paghinakop nga may estimated market value nga P1,190, 000.

- Advertisement -

Sa karun, nakahunong ang mga suspetsado sa Iloilo City Police Station 4 kag pagasakaan sang kaso nga pagbayolar sang Republic Act 9165 ukon Comprehensive Dangerous Drugs Act of 2002.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles