Monday, August 15, 2022

Kaso batok sa suspek nga nagpanglabo sa mag-amay nga Galvez sa Alimodian, ginahitso na

- Advertisement -

Ginakumpleto na sang Alimodian Municipal Police Station ang mga papeles agud gilayon nga mapasakaan sang kaso ang suspek nga si si Roldan Valentin, 27-anyos, isa ka mangunguma kag residente sang Sitio Butong, Barangay Cagay, Alimodian nga nagpanglabo sa mag-amay sa amo nga lugar.

Nahibaluan nga magapangatubang si Valentin sang kaso nga frustrated homicide kag paglapas sa Republic Act 7610 ukon Special Protection of Children against Abuse, Exploitation and Discrimination Act.

Sa interview sang Radyo Bandera Iloilokay Police Staff Sergeant Bernardo Cabatbat III, investigator on case sang Alimodian Municipal Police Station, tripping lang kag hubog ang suspek rason sa pagpanglabo sa mag-amay nga kanday Roy Galvez Sr. kag Roy Galvez Jr. sang tinalikdan nga Hulyo 31.

- Advertisement -

Nakaagum sang pilas sa nawala kag tuo nga butkon si Galvez Sr., samtang pilas naman sa wala nga butkon ang naangkon sang iya menor de edad nga bata nga si Galvez Jr.

Ginpakigbahin man sang imbestigador nga wala man sang daan nga hiligut-anon sa tunga sang mag-amay kag ni Valentin.

Madumduman nga natigayon nga nadakpan si Valentin alas-4:00 sang hapon, Agosto 1 kag sa karon nakahunong na ini sa Alimodian Municipal Police Station.

- Advertisement -

Padayon naman nga nagapaayo ang mag-amay sa Western Visayas Medical Center sa Distrito sang Mandurriao.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles