Monday, August 8, 2022

Kaso sang dengue sa probinsya sang Iloilo nagdangat na sa 179; 6 ka mga persona, patay

- Advertisement -

ILOILO CITY — Nagdangat na sa 179 ang dengue cases sa probinsya sang Iloilo kun ipaanggid sang nagligad nga tuig nga naglab-ot lang sa 144 ka kaso.

Sa interview sang Radyo Bandera Iloilo kay Dr. Maria Socorro Colmenares Quiñon, pinuno sang IPHO, ginpahayag sini nga nagsaka sang 23.4% ang kaso sang dengue sa probinsya humalin sang Enero 1 tubtob Mayo 14 subong nga tuig.

Nahibaluan nga ang banwa sang Tigbauan ang may yara sang 9 ka dengue cases; San Joaquin ang may yara sang 34; Guimbal nga nakarekord sang 21 ka dengue cases; Estancia nga may yara sang 15 ka mga kaso kag banwa sang Miagao nga may yara sang 9 ka dengue cases.

- Advertisement -

Samtang, suno kay Quiñon, anom ka mga persona ang nagtaliwan bangud sa balatian subong nga 2022 samtang sang tinalikdan nga 2021 wala naman sang may narekord nga casualty.

Ang mga nagtaliwan bangud sa dengue ang nagikan sa Guimbal nga may duha, tag-isa naman sa Miagao, Igbaras, Leganes kag Passi City.

Sa subong padayon ang kampanya ni Governor Arthur Defensor Jr. sa 4S Kontra Dengue kun sa diin ini ang nagakahulugan nga search and destroy breeding places, self-protection measures, seek early consultation, support fogging or spraying in hotspot areas, social distancing kag iban pa nga minimum health standards agud matapna ang pagsaka sang kaso sang dengue sa probinsya kag malikawan nga madugangan ang numero sang mga nagtaliwan.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles