Wednesday, November 30, 2022

Kaso sang dengue sa rehiyon 6 subong nga tuig naglab-ot na sa kapin 6 mil

- Advertisement -

ILOILO CITY — Nagdangat na sa 5,837 ang total cases nga narecord sa Western Visayas samtang 34 na ka mga indibidwal ang nagtaliwan sa rehiyon bangud sa dengue, ini ang base sa record sang DOH WV CHD – Regional Epidemiology and Surveillance Unit (RESU) Morbidity Week (MW) #27.

Base naman sa pinaka ulihi nga datus sang DOH WV CHD – Dengue and Malaria Program, humalin Hulyo 3 tubtob 9, 2022, nakarecord sang 506 ka mga bag-o nga dengue cases kag tatlo ka mga new deaths sa Western Visayas.

Nagapanguna sa may bag-o nga mga kaso ang Negros Occidental nga may 157 cases.

- Advertisement -

Nagsaka ini subong nga tuig sang 823% kun sa diin may yara ini karon sang 2,096 total cases kun ikumpara sa 227 cases sang tuig 2021.

Nagapangaduha naman ang banwa sang Antique nga may 150 new cases.

Nagsaka naman ini subong nga tuig sang 684% kun sa diin may yara sang 1,591 total cases samtang sang 2021 may yara ini sang 203 cases.

- Advertisement -

Nagapangatlo ang Iloilo Province nga may 93 new cases.

Nagadangat karon sa 986 ang total cases sini samtang sang 2021 nakabalhag lamang sang 214 cases kun sa diin may pagsaka sang 361%.

Sa pihak nga bahin, tatlo ka dugang nga mga indibidwal ang nagtaliwan bangud sa balatian kun sa diin duha ang nagikan sa Antique kag isa sa probinsya sang Iloilo. Nagapabilin naman ang Capiz kag Guimaras nga may 0 dengue deaths.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,180SubscribersSubscribe

Latest Articles