Kaso sang dengue sa syudad sang Iloilo nagnubo sang 56%

ILOILO CITY — Ginkalipay sang City Health Office ang narekord nga pagnubo sang dengue cases sa syudad sang Iloilo.

Suno kay Dr. Annabelle Tang, pinuno sang nasambit nga opisina, nagdangat sa 56% ang gin-nubo sang nasambit nga balatian subong nga tuig 2022 kun ikumpara sang nagligad nga tuig.

Dugang pa ni Tang, 48 ka kaso ang narekord sa syudad humalin Enero 1 tubtob Mayo 21, 2022 nga mas manubo sa 353 dengue cases sa kasubong nga period sa tuig 2021.

Base sa datos lakip sa mga barangays nga nakarekord sang kaso amu ang Bakhaw, Balabago, San Pedro, MH del Pilar kag Tabuc Suba.