ILOILO CITY- Nagataas ang kaso sang HIV sa probinsya sang Iloilo.
Base sa rekord sang Provincial Health office, may yara na subong sang 1,518 ka kaso sang HIV sa probinsya humalin 1985 tubtub subong na tuig.
Nahibaluan nga sang 2021, may yara pa lang sang 229 ka kaso ang nalista kag sang naligad na tuig, yara sang 289 ka kaso ang nalista kag sa subong nga tuig, may yara sang 29 sa bilog na bulan sang Enero.
Suno kay Dr. Rodney Labis, Provincial Health Officer, nga kalabanan nga nagpositibo sa HIV amo ang mga kalalakihan nga naga pang-idaron 25 tubtub 34 anyos nga naga- imbolbar sa male to male sex.
Sandig sa datus sang PHO, wala sila sang may nalista nga napatay bangud sa HIV sa subong nga tuig kun ikumparar sa nagligad nga tuig nga may yara sang 37 tanan ka indibidwal ang napatay.
