Natigayon nga magsungka ang isa ka katapo sang Southern Front Komiteng Rehiyon Panay kag kabahin sang Mt. Napulak Command sa idalum sang pagpamuno ni Joven Ceralvo ukon Ka “Lex” sa Brgy. Bikil, Tubungan, Iloilo las 6 sang gab I sang tinalikdan nga inadlaw.
Sa impormasyon nga nabaton sang Radyo Bandera Iloilo sa Iloilo Police Provincial Office, ginkilala ang nag-surrender nga rebelde nga si Alyas Banban ukon Tatang, 36-anyos kag residente sang nasambit nga lugar.
Nahibaluan nga pinaagi sa pagkumbinsi kag isturyahanay sang Tubungan Muncipal Police Station kay Tatang nagdesisyon ini nga magsungka kag magbalik sa sabak sang Gobyerno.
Samtang nagsulod si Tatang bilang katapo sang Communist Terrorist Group sadtong Enero 27, 2017 kag naguwa sadtong Disyembre 29, 2021.
Sa karun yara na ang katapo sang rebelde sa kustodiya sang Tubungan MPS.
