Klase sa Baluarte Elementary School nagapadayon apisar ginhimu nga evacuation center ang ila eskwelahan

ILOILO CITY — Magapadayon sa gihapon ang klase sa Baluarte Elementary School apisar ginhimu nga evacuation center para sa mga nasunugan.

Ini ang pahayag ni Dr. Lynette Trinidad, principal sang Baluarte Elementary School sa interview sang Radyo Bandera Iloilo.

Suno kay Dr. Trinidad, ang mga estudyante nga nagaklase sa mga kwarto nga ginhimo evacuation center ang magapaidalum sa Modular learning samtang in-person naman ang iban.

Pahayag pa sang principal nga magalawig ini sang kapin duha ka semana santu sa layi.

Nahibaluan nga 37 ka classroom sa 78 ang gingamit bilang evacuation center.