Thursday, December 8, 2022

Korte sa Bacolod City, gin-pamatbatan sang life imprisonment ang isa ka babaye nga nagbaligya sang ₱300 nga shabu

- Advertisement -

Ginpamatbatan sang Regional Trial Court (RTC) ang isa ka babayi sang life imprisonment bangud sa pagbaligya sang shabu nga nagabalor sang ₱300 sadtong Setyembre 22.

Ginmandu ni Bacolod RTC Branch 52 Executive Judge Raymond Joseph Javier si Ma. Luth Belnas Tolentino nga magbayad sang penalidad nga ₱500,000 bangud sa pagbaligya sang .077 gramo sang shabu sa Purok Lampirong, Barangay 2, Bacolod City sadtong Hunyo 15 tuig 2020.

Ginsentensyahan man ini sang 12 ka tuig kag walo ka bulan tubtob sa 17 ka tuig kag walo ka bulan nga pagkapriso kag may penalidad nga ₱300,000 bangud sa paghupot man sang 2.203 gramo sang illegal nga droga.

- Advertisement -

Ginpamatbatan si Tolentino nga guilty sa paghupot sang iban pa nga dangerous drug paraphernalia kag ginsentensyahan sang anom ka bulan kag isa ka adlaw tubtob duha ka tuig kag pito ka bulan nga pagkapriso kag may penalidad nga ₱10,000.

Ginturn-over naman ang nakumpiskar nga druga sa Philippine Drug Enforcement Agency kag gindala si Tolentino sa Correctional Institution for Women sa Mandaluyong City para sa iya nagakaigo nga disposisyon.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles