Krudo natukiban sa isa ka poso negro sa Brgy. Compania Central sa distrito sang Molo

ILOILO CITY— Ginkakibot sang pamilya Tamaño sang Compania Central, Molo, Iloilo City ang pag-ilig sang krudo sa ila nga poso negro nga ginkutkot kahapon nga adlaw, Pebrero 1, 2022.

Sa interview sang Radyo Bandera Iloilo kay Josephine Tamaño, ginpahayag sini nga nakibot sila sa bangud lima ka litro ang ila nakuha kag nagasiga ini kun imo sindutan.

Ginkadtuan sang Radyo Bandera News Team kag gin-testingan nga sindutan kag didto na nakit-an nga naga-siga man gid ini.

Sa subong wala pa nakadtuan sang DENR kag BFP ang lugar kun sa diin naghalin ang nasambit nga krudo.