Tuesday, February 7, 2023

Labing una nga Kabandera Kalingawan sa Barangay sang Radyo Bandera Iloilo, nangin madinalag-on

- Advertisement -

Nangin madinalag-on ang ginhiwat nga pinakauna nga Kabandera Kalingawan sa Barangay ukon KKB sang Radyo Bandera Iloilo sa Barangay Zone 3, Bo. Obrero, Lapuz, las 9 sang aga, Disyembre 9, 2022.

Napun-an sang kalipay kag kalingawan ang nasambit nga barangay sa pagpadulong sang masobra 300 ka mga pumuluyo gikan sa tatlo ka Zona.

Antes magsugod ang programa, nagparehistro anay ang mga pumuluyo para makapasakop sa raffle dra kag nag-fill up sang rehistrasyon ang mga pumuluyo nga luyag mangin miyembro sang SORABS (Solid Radyo Bandera Supporters).

- Advertisement -

Ginsuguran ang paghatag sang kalingawan paagi sa pagsaot sang RB Iloilo Staffs sang KKB official jingle.

Agud nga magpagsik ang mga pumalasakop, nagpasundayag ang isa kag isa sa pagsaot sang ‘budots dance challenge’ kag duha ang nagdaog sang isa ka box sang DTX Coffee Mix.

Ang mga pahampang amo ang Wow Wow Wow Wow, May Puso! (Hep-hep Hooray Version); ipakita ang best ‘Mukhasim’ nga nawong paagi sa pagkaon sang Iba; kag ‘Produktanong’ sa diin magahatag sang pamangkot ang host natuhoy sa mga produkto ni Doc Ramel Uy sa Clinica De Alternatibo kag magapila lamang sila sa ginpili nga sabat.

- Advertisement -

Nakabaton sang isa ka radyo, isa ka sachet sang DTX Coffee Mix kag lima ka kapsula sang Pure Cee ang mga pumalasakop sang pahampang samtang isa naman ka radyo, isa ka box sang DTX Coffee Mix kag ₱500 cash naman ang sa magadaog.

Mapalaron nga nagdaog sang ₱2,000 cash ang isa ka babayi nga nagpasakop sa “Ilugo Mo” challenge paagi lamang sa paglugo sang box nga may dice sa sulod kag iya madag-an kun pila ang maguwa nga numero sa dice.

Naghiwat man sang pa-raffle sa diin 11 ang maswerte nga nagdaog sang tig-isa ka radyo, duha ka winners sang ₱300 cash, isa ka winner sang ₱500 cash kag siyam ang nagdaog sang tig isa ka box sang DTX Coffeemix.

- Advertisement -

Ginkalipay naman ni Punong Barangay Ricardo Niño Jr. kag sang ila mga pumuluyo nga makatipon liwat matapos ang masobra duha ka tuig nga pandemya kag lubos man ang pasalamat sini sa bug-os nga pwersa sang Radyo Bandera Iloilo kag kay Doc Ramel Uys a paagpatigayon sang KKB sa ila barangay.

Ginpanagtag ang mga dalagko nga mga pampremyo sa mga pahampang, kalingawan kag kasadya nga dala sang mga suplemento sang Clinica De Alternatibo Medisina and Wellness Center nga amo ang Clinica DTX 500, Clinica D3 Bio, Pure Cee kag DTX Coffee Mix.

Mga Kabandera, bantayan ang masunod nga pagahiwaton nga Kabandera Kalingawan sa Barangay kay basi ang inyu nga barangay ang masunod nga mapili-an.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles