Lalaki nga naga motorsiklo pilason matapos masag-idan sang SUV

ILOILO CITY— Pilason ang isa ka lalaki nga naga motorsiklo matapos masag-idan sang isa ka SUV sa distrito sang Jaro.

Sa interview sang Radyo Bandera Iloilo sa nakakita nga si  Abed Justiniani, 28 – anyos residente sang San Dioniso, Iloilo takna 4:45 kaina sang kaagahon samtang nagapadulong ini sa Jaro Plaza sang iya nakit-an ang isa ka lalaki nga natumba kag gilayon nga may naglabay nga SUV kag nasag-idan ini.

Suno pa kay Justiniani, gilayon man nga ginbuligan sang mga taxi driver ang biktima nga naka-angkon sang minor nga pilas.

Sa karun, wala pa makilal-an ang biktima bangud nakaimon ini kag Indi makuhaan sang maayo nga detalye.

Padayon pa ang imbestigasyon sang kapulisan angut sa insidente.