Lalaki nga naglumpat-patay sa flyover sa Mandurriao, nakilal-an na

ILOILO CITY — Nakilal-an na ang lalaki nga napatay matapos naglumpat sa flyover sa Hibao-an Mandurriao pasado alas-2:00 kaina sang kaagahon.

Sa interview sang Radyo Bandera Iloilo kay PMaj. Rey Sumagaysay, hepe sang Mandurriao Police Station, ginkilala ang biktima kay Ether Diaz, 31-anyos kag residente sang Brgy. Bakhaw, Mandurriao.

Gilayon nga nagpadulong ang patrol sang Mandurriao PNP sa Brgy. Bakhaw matapos nakabaton sang impormasyon halin sa kakilala sang biktima agud makumpirma ang iya identity.

Nahibaluan nga nabatian pa sang gwardiya nga nagsinggit ang biktima sa ibabaw sang gina-construct nga flyover kag gulpiyada lang ini nga naglumpat.