Saturday, August 20, 2022

Lalaki pilason matapos nga maigu sang crane boom sa ginasakyan nga pick-up sa banwa sang Pavia

- Advertisement -

PAVIA, ILOILO—Pilason ang isa ka lalaki matapos nga maigu ang ginasakyan nga Toyota Hilux pick-up sang boom sang crane sa gina – construct nga flyover sa Zone 4, Brgy. Aganan, Pavia Iloilo, las 4:30 ang takna sang hapon Hulyo 19, Martes.

Nahibaluan nga duha tanan ka mga salakyan ang naigu sang nasambit nga crane lakip na ang Toyota Hilux pick-up kag Mazda 3 Sedan.

Ang tatlo ka sakay sang pick-up ang ginkilala nanday Quirino Celeste Jr., Maria Rose 62 anyos kag 20 anyos nga bata nga babaye.

- Advertisement -

Samtang ang driver sang awto ang ginkilala kay Alvi Marie Dela Cruz 45 anyos, residente sang Gumban St., Pavia Iloilo

Ginkilala naman ang driver sang Crane sa kay Jovenelly Carreon 31 anyos, kasado residente sang Brgy. Huna, San Joaquin, Iloilo.

Sa interview sang Radyo Bandera Iloilo kay Police Major Rolando Araño, hepe sang Pavia Municipal Police Station, ginpahayag nga ang duha ka mga salakyan ang nagapondo sa lugar sang insidente bangud sa pagpug-ok sang dalagan sang trapiko.

- Advertisement -

Hinali na lang nga naigu ang mga ini sang boom sang crane sa gina-construct nga flyover sa nasambit nga lugar.

Dugang pa ni Araño, bangud sa paglupok sang hydraullic hose sang crane, disgrasya nga nag-usdang ang boom sang crane kag na igo sa nagapondo nga salakyan.

Nagresulta sang pagkagupi sa tunga nga porsyon sang pick-up kag guba ang nalikod nga bahin sang awto, samtang ang sakay sa backseat sang pick-up nga 20 anyos nga babaye ang pilason kag gindala sa ospital kag maswerte naman ang iban nga sakay ang wala masamaran.

- Advertisement -

Handa naman nga mag -aregluhanay ang magtimbang nga bahin sang nasambit nga insidente.

Temporaryo naman nga ginkustodiya sa Pavia MPS ang driver sang crane.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles