ILOILO CITY — Nagpaguwa sang pila ka mga criteria ang Leon Local Government Unit para sa mga pork kag meat vendors sa mga merkado.
Ini ang pahayag ni Ryan Caldito, Leon Hog Farmers Association Inc. sa interview sang Radyo Bandera Iloilo.
Una na diri, ang baboy indi dapat magnubo 80kg kag maglapaw 120 kilograms, ikaduha ang baboy dapat yubo/fattener.
Ikatlo, indi magdala sang baboy nga nalayunon apisar nagakilo ini sang 100 tubtob 120 kilogram.
Suno sa Leon LGU indi man kinahanglan nga magdala sang looseweight ukon undersize nga baboy.
Nahibaluan nga ang mga baboy nga wala nadala sa criteria indi pagbatunon.
Nagpahanumdom man ini sa mga negosyante nga sekyaron kag bantaon ang mga baboy antes ini dal-on sa auction market agud malikawan ang mga problema kag aberya.
