Friday, October 7, 2022

LGBTQ Member, nasapwan sa higad dalan sa banwa sang Ajuy, Patay!

- Advertisement -

Pilason ang LGBTQ+ member sang nasapwan sa higad dalan sa Brgy. Puente Bunglas, Ajuy, las 5:00 kahapon sang aga, Agosto 13.

Ginkilala ang biktima nga si Rjay Janagap, 27-anyos, nagapang-rebond sang buhok, kag residente sang Brgy. Sta. Rita, Anilao, Iloilo.

Sa interview sang Radyo Bandera Iloilo kay Police Staff Sergeant Ryan Alfin, imbestigador sang Ajuy Municipal Police Station, ginpahayag sini nga magapadulong kuntani si Randy Salbing sa iya nga talamnan sang iya nakit-an nga nagahapaon ang biktima sa higad sang dalan.

- Advertisement -

Gilayon nga gindala sa pinakamalapit nga ospital ang biktima apang ginbawian sag kabuhi ala 1:00 kahapon sang hapon

Patal nga pilas sa ulo kag bagras sa kalawasan ang naagom sang biktima nga gintunaan sang iya kamatayon.

Ginatan-aw nga posible nga pagkadagdag sa motorsiklo ukon sa salakyan ang nangin tuna-an sang iya kamatayon.

- Advertisement -

Naga-request man sa karon ang Ajuy PNP sa pamilya nga ipa-autopsy ang bangkay para matul-id ang ginkamatay sang biktima.

Nahibaluan nga antes pa man matabo ang insidente, las-10:00 Biyernes sang gab-i, Agosto 12, may pagtipon-tipon sa balay sang mga kaparyentehan sang biktima.

Padayon pa karon ang imbestigasyon sang kapulisan natuhoy sa nasambit nga insidente.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,030SubscribersSubscribe

Latest Articles