Lima ka mga persons of interest sa pagpatay kay Ludivina Frange, may kahilabtanan sa utang suno sa mga kapulisan

ILOILO CITY— May kahilabtanan sa utang ang mga persons of interest nga gintumod sang Pavia PNP nga nagtiro patay sa 50-anyos nga babaye nga si Ludivina Frange sang tinalikdan nga Sabado, Abril 2, 2022.

Sa interview sang Radyo Bandera Iloilo kay PMaj. Rolando Araño, hepe sang Pavia MPS, ginpahayag sini nga  may kahilabtanan sa negosyo ang pagkamatay sang biktima.  

Nakakuha sang anggulo ang mga kapulisan bangud sa nabatian nga mga tinaga halin sa biktima nga “imoha nalang ina ang kwarta mo.”

Nahibaluan nga nagapautang ang biktima sang kwarta kag dako ang ginapasaka nga interest.

Sa karon padayun sa gihapon ang imbistigasyon sang mga kapulisan.