Lima ka public officials sa probinsya sang Iloilo, may pagpamahog sa ila kabuhi

Nakabaton sang pagpamahog ang lima ka mga public officials sa probinsya sang Iloilo, suno sa report sang Iloilo Police Provincial Office.

Sa interview sang Radyo Bandera kay IPPO Spokesperson PMaj. Rolando Arano iya ginkumpirar nga may ara sang lima ka opisyal ang nagreport nga may pagpamahog sa ila kabuhi basi sa ila threat assessment nga ginhiwat.

Wala naman ginsapubliko ni Arano ang mga detalye sang mga nasambit na pulitiko para man sa ila seguridad.

Madumduman nga nagmando si Gov. Defensor sa IPPO nga magpatigayon sang threat assesment sa mga pulitiko sa probinsya.