ILOILO – Isa ka tikang sang local government unit sang Calinog ang liwat nga pagpatuman sang curfew for minors agud mahagan-hagan ang disgrasya sa dalanon sa diin kadam-an sa mga biktima ang mga menor-de-edad.
Sa interview sang Radyo Bandera Iloilo kay Police Major Dadjie Delima, hepe sang Calinog Municipal Police Station, ginpahayag sini nga ang pag-isyu ni Mayor Francisco Calvo sang Executive order no. 2023-17 ang kasunod sa gin-presentar sang CDRRMO nga mataas ang involvement sang mga menor sa disgrasya sa dalanon.
Kada gab-i naman nagakatabo ang insidente sa diin kadam-an motorsiklo ang nagaka-disgrasya.
Magluwas sa vehicular accidents, may mga ginamo man nga nagakatabo sa imbolbado sa gihapon ang mga lamharon.
Nahibaluan nga ang curfew ang naga-umpisa las-7:00 sa gab-i tubtob las-4:00 sang kaagahon.
Samtang, nagahatag naman sang konsiderasyon ang kapulisan sa mga may valid nga rason ilabi na ang mga taga iban nga banwa nga nagalabay sa Calinog.
