Ginkumpirma ni Mr. Jeck Conlu, pinuno sang Public Safety and Transportation Management Office (PSTMO), nga amat-amat na nga ipatuman ang Local Public Transport Route Plan (LPTRP) sang syudad.
Sa interview sang Radyo Bandera Iloilo ginpahayag ni Conlu nga pito ka bag-o nga ruta ang idugang sang syudad sang Iloilo nga ginlakipan sang Coastal Road-City Proper, Lanit Jaro-Mandurriao, portion sang Arevalo-Mandurriao, kag Molo-Mandurriao sa diin gin-focus ang new route areas sa diin ini ang ginbase sa strategic job kag commercial areas sa syudad sang Iloilo.
Sunu sa iya indi na maka-eksperyensya sang inconvenience ang mga pumuluyo sa pagsakay sa nasambit nga areas bangud sang ginpangdugang nga mga ruta.
Dugang pa sang natungdan amat-amat naman nga madugangan ang mga modernized jeepney bilang transition period agud nga mabayluhan na ang mga traditional jeepneys nga nagabyahe sa palibot sang syudad.