Logistics house plano nga tukuron sang RDRRMC agud mangin preparado ang mga pumuluyo sa palaabuton nga mga kalamidad

ILOILO CITY — Plano nga magpatukod sang Logistics House sa mga Regional Offices sa Western Visayas agud mangin preparado ang mga pumuluyo sa mga kalamidad kaangay na lang sang bagyo kag baha.

Ini ang ginpakigbahin ni Director Harold Cabreros sang Rehabilitation and Recovery Management Service, sa interview sang Radyo Bandera Iloilo.

Suno pa kay Cabreros, makabig three-in-one ang ini nga Logistics House nga may yara sang warehouse, command center kag rehabilitation center.

Madumduman nga kahapon, Nobyembre 22, ginpasidunggan sang Gawad Kalasag Seal of Excellence for Beyond Compliant LGUs ang munisipalidad sang Malay, Aklan; Dumalag kag Panit-an sa Capiz, syudad sang Iloilo, Bacolod, Bago kag Sipalay sa Negros Occidental.