LTFRB 6, ginpakigbahin ang pagsulundan sa maximum number sang standing passengers sa mga public utility buses kag PUJs nga yara sa alert level 1

ILOILO CITY — Nagpaguwa sang Memorandum Circular ang Land Transportation Franchising and Regulatory Board may kaangtanan sa ginatugutan nga standing passengers sa mga Modernized Public Utility Buses kag Public Utility Jeepneys.

Igapatuman ini sa mga lugar sa idalum sang Alert Level 1 lakip na diri ang mga ka-probinsyahanan sa Rehiyon 6.

Sa mga Low Entry ukon Low Floor PUBs, 15 ka tawo ang maximum standing passengers, sa Coach-Type naman 10 ka pasahero ang mahimo makatindog, kag lima naman sa bahin sang Modern Public Utility Jeepney-Class 2.

Santu sa Memorandum, amu ini ang nakita nga solusyon sa karon sa pagbalik sang face-to-face classes kag pagtaas sang passenger demand ilabi na sa tion sang peak ukon rush hours.