ILOILO CITY— Gin-athag sang Land Transportation Franchising and Regulatory Board (LTFRB)-VI ang angut sa Local Public Transport Route Plan sa syudad sang Iloilo nga maga-umpisa sa Hunyo 12.
Sa interview sang Radyo Bandera Iloilo kay Atty. Jun Altura spokesperson sang LTFRB-VI, ginpahayag sini nga ginpasar na sang syudad ang ordinansa nga maga-over sang territotial jurisdiction sa diin ang mga salakyan nga halin sa kabanwahanan ang indi na makasulod sa syudad kag asta na lang ini sa terminal ukon sa transport hub.
Suno kay Atty. Altura, maga-isyu ang talatapan sang cargo pass para sa salakyan nga may mga karga sang inug-deliver apang kinahanglan nga magbalik ini gilayon sa ila nga ruta.
Nagpanugyan ini sa mga pumuluyo nga mag-kooperar agud malikawan ang indi pag-intindihanay sa tion sang implementasyon sang nasambit nga ordinansa.
